Қазақстанның U-16 жасөспірімдер құрамасы Шымкентте өтіп жатқан УЕФА Даму кубогындағы алғашқы ойынында Пәкістан U-16 командасын ірі есеппен жеңіп, турнирді сенімді бастады, деп хабарлайды BOOKIE.KZ КФФ ресми сайтына сілтеме жасап.
«Намыс» стадионында өткен кездесудің алғашқы минуттарынан-ақ қазақстандық футболшылар ойын тізгінін өз қолына алды. 7-минутта Платон Шипицин пенальтиден гол соғып, есепті ашты.
Үзіліске дейін Русланжан Раимбакиевтің шәкірттері шабуылда да, қорғаныста да сенімді ойынын жалғастырды. Пәкістан құрамасының қақпасына Ануар Толенды, Давид Заречный және Данияр Каси кезекпен доп енгізіп, бірінші тайм соңында есепті 4:0-ге жеткізді.
Екінші таймда Қазақстан құрамасы ойын қарқынын бақылауда ұстап, басымдығын сақтап тұрды. 88-минутта қарсылас бір гол соғып, айырмашылықты қысқартты, алайда бұл нәтиже матчтың жалпы қорытындысына әсер етпеді. Кездесу 4:1 есебімен Қазақстан U-16 командасының пайдасына аяқталды.
УЕФА Даму кубогындағы келесі ойында Русланжан Раимбакиев жаттықтыратын команда 27 сәуір күні 15:30-да Әзербайжан құрамасына қарсы алаңға шығады.
УЕФА Даму кубогы. Шымкент
Қазақстан U-16 – Пәкістан U-16 – 4:1 (4:0)
Голдар: Платон Шипицин 7 (пенальти), Толенды 21, Заречный 30, Каси 45 – Самад 88.
Қазақстан U-16: Мирахматов (қақпашы), Каси, Турищев (Ильясов 61), Шалыгин (Дауренов 46), Оразғалиев, Лисохмар (Камбар 61), Дутпаев (Салимов 57), Заречный (капитан) (Болат 57), Маратов (Қанат 46), Шипицин (Бапишев 46), Толенды (Мендиканов 46).
Қордағы ойыншылар: Заманбек (қақпашы), Ильясов, Салимов, Дауренов, Камбар, Бапишев, Мендиканов, Болат, Қанат.
Бас бапкер: Русланжан Раимбакиев.
Пәкістан U-16: Самар Раззак (қақпашы), Мұхаммад Алам, Мақбул Ахмед, Надим Хусайн, Сиед Манзар Шах (Хамза 46), Мұхаммад Мұстафа, Абдул Самад, Мұхаммад Есса, Хамза Йасыр (Шахраз Хан 46), Калимулла (Харун Рашид 46), Мұхаммад Рафай (Даниш Масих 46), (Харун Рашид 77), (Мұхаммад Ханзала 77).
Қордағы ойыншылар: Навидулла (қақпашы), Хамза, Сагар, Шахраз Хан, Даниш Масих, Харун Рашид, Абул Рахим Елахи, Мұхаммад Ханзала, Валид Сарвар.
Бас бапкер: Мұхаммад Есса.
2026 жылғы 25 сәуір, «Намыс» стадионы, Шымкент (Қазақстан).