Лондондық «Арсенал» алдағы жазда 27 жастағы шабуылшы Виктор Дьёкерештің трансферіне қатысты кез келген ұсынысты қарастыруға дайын, деп хабарлайды indykaila News, деп жазады BOOKIE.KZ, дереккөз ретінде «Чемпионат» басылымын келтіріп.
Британдық аккаунттың мәліметінше, клуб маусым аяқталғаннан кейін швед форвардын сату нұсқаларын зерделеуге ниетті.
Дьёкереш 2025 жылдың жазында Лиссабонның «Спортинг» клубынан «Арсеналға» ауысты. Ол кезде келісімшарт құны € 70 млн болған. Сол уақыттан бері шабуылшы лондондық команда сапында барлық турнирлерде 48 матч өткізіп, 18 гол соқты және екі нәтижелі пас берді.
Футболшының «Арсеналмен» қолданыстағы келісімшарты 2030 жылдың жазы аяқталғанға дейін күшінде. Transfermarkt порталының ақпаратына сәйкес, қазір Дьёкерештің нарықтық құны € 65 млн деп бағаланады.