Журналист әрі инсайдер Бен Джейкобс лондондық «Челси» басшылығының бас бапкер Лиам Росеньормен мерзімінен бұрын қоштасу туралы шешім қабылдауына не түрткі болғанын түсіндірді, деп хабарлайды BOOKIE.KZ «Чемпионат» басылымына сілтеме жасап.
Джейкобстың мәліметінше, клуб ішінде бапкерді ауыстыру қазіргі маусымда еурокубоктарға жолдама алу және Англия кубогын жеңіп алу үшін жалғыз мүмкіндік ретінде қарастырылған. Сонымен қатар инсайдер дереккөздеріне сүйене отырып, бірқатар жетекші футболшының Росеньорға деген сенімі жоғалғанын атап өтті.
Журналистің айтуынша, «Челси» жаңа бапкерді іздеуге барынша мұқият қарауды жоспарлап отыр, себебі жазда нарықта келісімшартсыз жүрген білікті мамандар аз емес. Оның сөзінше, қазір клуб ойыншыларға маусымды мықты аяқтауға жағдай жасау және тұрақтылықты қамтамасыз етуге баса назар аударып отыр.
«Челси» посчитал, что это единственный выход, чтобы попытаться выйти в еврокубки и выиграть Кубок Англии. Источники сообщают, что несколько ведущих игроков потеряли веру в главного тренера „Челси“. Ожидается тщательный процесс поиска замены, поскольку „Челси“ знает, что этим летом есть несколько квалифицированных свободных тренеров», — написал Джейкобс в соцсети X.
Инсайдердің айтуынша, футболшылар мен клуб қызметкерлері ресми хабарландыру жасалғанға дейін бұл шешім туралы алдын ала құлақтандырылған. Джейкобс таратқан деректерге сәйкес, Росеньорды қызметтен алу бастамасы «Челси» басшылығынан шыққан, олар бапкерді тағайындау кезінде ғана емес, маусым бойы жіберілген қателіктерді де мойындап, жаңа бас бапкерді шақырмас бұрын осы қателіктерден сабақ алуға тырысуда.
22 сәуір күні «Челси» Лиам Росеньордың бас бапкер қызметінен кеткенін ресми түрде жариялады. Англиялық маман қаңтар айында «Страсбург» клубынан лондондық командаға ауысқан, ал оның келісімшарты 2032 жылға дейін есептелген болатын.