«Манчестер Сити» басшылығы «Челси» жартылай қорғаушысы Энцо Фернандесті жазғы трансферлік кезеңде орталық шепті күшейту нұсқаларының бірі ретінде қарастырып отыр, деп хабарлайды BOOKIE.KZ «Чемпионат» дерегіне сілтеме жасап.
Британдық The Athletic басылымының мәліметінше, аргентиналық хавбек Англия чемпионы үшін басым трансферлік мақсат болып саналмайды, бірақ клубтың ықтимал кандидаттар тізіміне енгізілген. «Сити» шорт-листіне «Ноттингем Форест» жартылай қорғаушысы Эллиот Андерсон да кірген.
Фернандеске қызығушылық Португалия ойыншысы Бернарду Силваның маусым соңында клубтан кету ықтималдығымен байланысты. Сонымен қатар, тірек жартылай қорғаушы Родридің болашағы да толық айқын емес: оның келісімшарты 2027 жылға дейін күшінде, алайда клуб басшылығы оны ұзартуға үміт артып отыр.
Ағымдағы маусымда Энцо Фернандес «Челси» сапында барлық турнирлерде 48 матч өткізіп, 12 гол соқты және алты нәтижелі пас берді. Transfermarkt порталының дерегінше, 25 жастағы футболшының нарықтық құны € 90 млн мөлшерінде бағаланады, ал оның лондондық клубпен келісімшарты 2032 жылға дейін есептелген.