«Манчестер Сити» басшылығы маусым аяқталған жағдайда Хосеп Гвардиола клубтан кетсе, команданың бас бапкері қызметіне италиялық маман Энцо Маресканы негізгі үміткер ретінде қарастырып отыр, деп хабарлайды BOOKIE.KZ «Чемпионатқа» сілтеме жасап.
Британдық The Guardian басылымының мәліметінше, Мареска мен «Манчестер Сити» арасында келіссөздер басталып, олар жағымды арнада өрбіп жатыр. Тараптар ықтимал ынтымақтастық шарттарын талқылауда.
Келісімшарт жасау барысындағы негізгі қиындық маманның Лондонның «Челси» клубы алдындағы сақталып отырған келісімшарттық міндеттемелері болуы мүмкін екені атап өтілді.
Энцо Мареска 2022 жылдан 2023 жылға дейін «Манчестер Ситидің» жаттықтырушылар штабына кіріп, Хосеп Гвардиоланың көмекшісі қызметін атқарды. Итальяндық бапкер биылғы қаңтар айында «Челсиден» кетті.